Granit Xhaka në krye të renditjes botërore për pasimet nën presion

Xhaka konfirmon klasin, i pari në botë për pasimet nën presion

Kapiteni i Kombëtares së Zvicrës, Granit Xhaka, vazhdon të konfirmojë nivelin e tij të lartë në futbollin botëror, duke u renditur i pari në statistikat e “Pressured Passing Grade”, që vlerësojnë cilësinë e pasimeve të një lojtari kur ai është nën presion të drejtpërdrejtë nga kundërshtarët, transmeton albinfo.ch.

Sipas kësaj statistike, Xhaka kryeson renditjen me notën 91.8, duke lënë pas mesfushorin e Rodri, i cili renditet i dyti me 90.8 pikë.

Në vendin e tretë pozicionohet mbrojtësi i Zvicrës, Manuel Akanji, me notën 88.2.

Prania e dy futbollistëve zviceranë në mesin e tre më të mirëve në botë në këtë kategori nënvizon cilësinë teknike, qetësinë dhe aftësinë e tyre për të kontrolluar lojën edhe në situatat më të vështira në fushë. /Albinfo.ch

---