Zjarr në spitalin e Flawil-it

24 persona, pacientë në këtë spital dhe të tjerë, është dashur të evakuoheshin për disa orë. Nuk ka pasur asnjë të lënduar.

Një zjarr ka shpërthyer në spitalin e Flawil-it, St. Gallen. Zjarri kishte shpërthyer në bodrumin e spitalit, orët e hershme të mëngjesit të të martës. 24 persona, pacientë në këtë spital dhe të tjerë, është dashur të evakuoheshin për disa orë. Siç bën të ditur policia e kantonit të St. Gallenit, nuk ka pasur asnjë të lënduar.

Zjarri ka shpërthyer në bodrumin e krahut perëndimor të spitalit, ku është e vendosur gardëroba dhe depot. Püer pasojë tymi, përmes hapësirës së ashensorit, kishte depërtuar në dhomat e të sëmurëve. Për këtë arsye 17 pacientë të prekur është dshur të strehoheshin përkohësisht në dhoma tjera.

Me ndërhyrjen e zjarrfikësve nga Flawili dhe St. Galleni, zjarri është vënë nën kontroll pas rreth dy orësh. Stacioni i emergjencës ka qëndruar i mbyllur gjatë tri orëve të paraditës, njofton Tagblatt.ch

Shkaku i zjarrit është ende i panjohur, ndërsa dëmet materiale, sipas policisë kantonale të St. Gallenit janë të konsiderueshme.