Zemri Deari, shpallet lojtari më i mirë i Landesliga në Vjenë

Futbollisti shqiptar Zemri Deari është shpallur lojtari më i mirë i sezonit 2014/2015 në Landesliga 2 të Vjenës.

Në votimin online në ueb faqen Ligaportal.at, në mesin e 25 futbollistëve të nominuar, futbollisti i ekipit shqiptar “SV Albania”, Zemri Deari ka marr 31,69 % të votave.
Zemriu më këtë rast ka falënderuar të gjitha ata që e kanë përkrahur dhe e kanë ndihmuar që më votat e tyre të shpallet futbollisti më i mirë për këtë sezon. Po ashtu një falënderim të veçantë, kapiteni i “SV Albania” ia dedikon edhe klubit shqiptar, njofton “albinfo.ch”.

Zemri Deari është 29 vjeçar nga Gostivari dhe disa vite ka luajtur edhe në ekipin e KF Gostivarit, ndërsa pas ardhjes në Austri, ai aktivizohet në ekipin me të suksesshëm të shqiptarëve në Vjenë, “SV Albania” që këtë sezon u shpallën Kampionë në Landesliga 2 të Vjenës.