Vjenë: Ekipi “Veleshta” fiton turnirin e futbollit “Talentet e Diasporës”

Turniri është vlerësuar si sukses të jashtëzakonshëm.

Liga Shqiptare e Futbollit në Austri ka organizuar të dielën (më 15.05.2022) turnirin e futbollit “Talentet e Diasporës”, në të cilën morën pjesë 16 ekipe shqiptare. Në këtë garë futbolli triumfoi ekipi “Veleshta”, raporton albinfo.at.

“Gjatë këtij turniri kishte shumë ndeshje me cilësi jashtëzakonisht të lartë, lojtarë me përgatitje të lartë profesionale, që publiku dhe anëtarët e Ligës Shqiptare të Futbollit në Austri u kënaqën me rezultatet dhe sukseset e arritura! Triumfoi ekipi i futbollit VELESHTA, fitues!”, thuhet ndër të tjera, në një komunikatë të LSHFA-së dërguar albinfo.at.

Liga Shqiptare e Futbollit në Austri këtë turnir e ka vlerësuar si sukses të jashtëzakonshëm, ndërkohë ka falënderuar të gjithë pjesëmarrësit, ata që ndihmuan secili në mënyra të ndryshme, sponsorët, dhe ata që dëshiruan të marrin pjesë, por që fatkeqësisht ishin lajmëruar me vonesë.

LAJME INTERESANTE NGA INTERNETI