Lajme
Ushtari zviceran me prejardhje shqiptare dyshohet për abuzim seksual me një ushtare
Për shkak të dyshimit të bazuar, pjesëtari i ushtrisë ishte arrestuar përkohësisht në Davos nga policia ushtarake. Ai do të mund të përjashtohet nga ushtria
Në margjinat e Forumit Ekonomik Botëror (WEF) të këtij viti në Davos, dyshohet se ka ndodhur një incident i rëndë në kaudër të trupave të ushtrisë zvicerane, transmeton albinfo.ch një lajm nga shtypi zviceran.
Kur ushtria zvicerane u vendos në WEF të këtij viti, thuhet se ka ndodhur abuzim seksual, përcjell “20 Minuten” gazetën javore “Weltwoche”. Fjala është për dyshimin se një anëtar i kompanisë së personelit të Zurich Inf-Bat 65 mund të ketë kryer një veprim seksual ndaj një ushtareje. Ngjarja thuhet se ka ndodhur në javën e tretë të një kursi rifreskues të ushtrisë, pas mbrëmjes së kompanisë.
Zëdhënësi i kryeauditorit të ushtrisë ka konfirmuar faktet për gazetën “Weltwoche” dhe i ka folur për “një proces në vazhdim”. Autori i dyshuar është një 26-vjeçar, shtetas zviceran me origjinë shqiptare. Për shkak të dyshimit të bazuar, pjesëtari i ushtrisë ishte arrestuar përkohësisht në Davos nga policia ushtarake.
Ai aktualisht është sërish i lirë pasi nuk i është caktuar masa e paraburgimit. Megjithatë, ka një urdhër hetimi ndaj tij, nga komandanti i batalionit Michael Schäppi, trasnmeton albinfo.ch. Akuza është “kryerje e një veprimi seksual”.
Siç thotë për “20 minuten” zëdhënësi i drejtësisë ushtarake Florian Menzi, ushtari në fjalë do të mund të përjashtohet nga ushtria. Aktualisht është e paqartë nëse do të hyjë në fuqi kjo masë. I pyetur nëse ushtari kishte rënë në sy edhe në të kaluarën, Menzi nuk dha asnjë informacion, duke iu referuar hetimeve në vijim.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri