UEFA dënon Skënderbeun me 10 vjet mospjesëmarrje në Evropë

Merr fund në mënyrën më të keqe historia e suksesit të Skënderbeut në Shqipëri dhe në Evropë gjatë dekadës së fundit me klubin bardhekuq që duhet të vuajë tashmë pasojat për përfshirjen në fiksimin e rezultateve të disa sfidave

UEFA ka përdorur dorën e hekurt ndaj Skënderbeut duke marrë vendimin më të rëndë në historinë e saj ndaj një klubi futbolli.

Ajo që i trembeshin të gjithë në Korçë dhe në Shqipëri tashmë është bërë realitet pasi qeveria e futbollit evropian ka pranuar kërkesën e dy inspektorëve të saj pranë komisionit të Disiplinës dhe Etikës në UEFA, duke përjashtuar me 10 vite nga garat evropiane klubin bardhekuq dhe duke e dënuar me 1 milion euro gjobë Skënderbeun, përcjell albinfo.ch.

Dënimi është dhënë në datën 21 mars, por vetëm sot ka dalë në dritë dokumenti i plotë i UEFA-s që fundos klubin korçar.

Merr fund në mënyrën më të keqe historia e suksesit të Skënderbeut në Shqipëri dhe në Evropë gjatë dekadës së fundit me klubin bardhekuq që duhet të vuajë tashmë pasojat për përfshirjen në fiksimin e rezultateve të disa sfidave.

Skënderbeu ka një afat prej 60 ditësh për ta kundërshtuar dënimin e UEFA-s që e shkatërron si skuadër me klubin korçar që pritet ta ankimojë çështjen në KAS-in e Lozanës me shpresën se do t’i ulet dënimi.