SVP/UDC fushatë të vjetër me strategji të re

SVP/UDC është nisur për pushtimin e votave për zgjedhjet federale 2011, këtë herë kërkon t’i josh gratë urbane

S’ ka më dele të zeza, korba dhe afishe të tjera tronditëse: parulla e re e partisë SVP/UDC luan me kartën e humorit sex-y në reklamën e saj të fundit.

Ngjarja ndodh  gjatë verës në një liqen të kantonin e Schwyz-it. Një djalosh me një trup marramendës vjen me çantën e tij në plazhin e liqenit, nën sytë e interesuar të tri zonjave të reja dhe me bukuri të rrallë. Ndërsa zhvishet në sytë e bukurosheve, shpalos peshqirin e tij, dhe … zhgënjimi i admiruesve të tij bën që ato menjëherë  largohen. Peshqiri i tregon ngjyrat  e flamurit të Evropës. “Zviceranet votojnë SVP/UDC», përfundon spoti publicitar.

Reklama u drejtohet grave

Me këtë video UDC synon një segment të tregut të ndryshëm nga fushatat e tij të mëparshme. Ai u drejtohet “shumicës të grave të reja urbane”, thotë Silvia Baer, zëvendëse e sekretarit të  përgjithshëm si dhe përgjegjëse e fushatës për zgjedhjet 2011 për SVP/UDC.

SVP/UDC nuk ka pranuar të japë çmimin e kostos për këtë fushatë, të realizuar nga produktori  i Cyrihut,  Stephan Klameth.

Tashmë e dukshme në You tube, kjo video do të transmetohet javët e ardhshme në sallat e kinemave në tërë Zvicrën.