Studentët shqiptarë, të parët në Turqi

Embassy of Switzerland in North Macedonia (fb)

Universiteti Teknik i Stambollit ka publikuar listën e të diplomuarve për Bachelor të vitit akademik 2019-2020, ku për këtë vit akademik, 8 studentë shqiptarë dolën të parët.

Studentët Bachelor të vitit akademik 2019-2020 të Universitetit Teknik të Stambollit që e mbyllën këtë vit me mesataren 3.99 janë Emiljo Mehillaj në degën Inxhinieri Elektronike dhe Informacioni, Bianka Pajo në degën Inxhinieri Ndërtimi, Sigela Muharremi dhe Alueda Kuka në degën e Ekonomisë. Studentët e që u shpallën të dytët janë Arlind Billa në degën e Inxhinieri Elektronike dhe Informacioni dhe Xhoela Bame në degën Biologji Molekulare dhe Gjenetikë me mesatare 3,96. I treti i universitetit me mesatare 3,94 është Alket Çiku për Inxhinieri Ndërtimi, përcjell Albinfo.ch.

Ka rënë shumë në sy që 8 studentët që kanë dalë të parët të jenë nga Shqipëria. Në vitin e kaluar akademik studentja që doli e para ishte Ida Gjergji me mesatare 4.0 (10.00 me sistemin shqiptar), e cila gjithashtu ishte shqiptare. Në të njëjtën kohë studentët e parë, të dytë dhe të tretë të degës së Inxhinierisë Elektronike dhe Informacioni janë në 10-shen e parë.