“Street Parade”: Më shumë substanca ekstazive e kokainë

Në “Street Parade 2013” konsumimi i drogës dhe i substancave ekstazive ka tejkaluar të gjithë kufijtë

Përdorimi i “Ecstasy” është rritur më shumë se dhjetë herë në krahasim me vitin 2011. Një studimi i “Schweiz aktuell” tregon se kokaina ishte më e pastër sesa vitet e mëparshme.

Në përgjithësi, pjesëmarrësit e “Street Parade 2013” kanë konsumuar 4.1 kilogram ekstazë. Në një ditë të zakonshme jave konsumohen deri në 160 gram në Cyrih. Krahasuar me matjen e fundit në vitin 2011, përdorimi i ekstazës ishte rritur dhjetëfish. Dy vjet më parë, 350 gram ekstazë janë konsumuar në “Street Parade”.

Për të realizuar këtë studim janë marrë mostrat e ujërave të zeza në impiantin e trajtimit të ujërave të zeza në Cyrih. Mostrat janë analizuar në Laboratorin e kontrollit të ujit në kantonin e Bernës.
Nga këto analiza kokaina del të ketë qenë dy herë më shumë e pastër.

Gjatë fundjavës kur ishte mbajtur “Street Parade” u gjetën rreth 3.4 kilogram kokainë të pastër në ujërat e zeza rrugëve të Cyrihut. Bëhet fjalë për pothuajse tri herë më shumë se në një ditë normale (1.2 kg).

Rreth një milion veta kanë parakaluar në “Street Parade 2013” të Cyrihut, festë kjo karakteristike që është mbajtur për të 22-tën herë me radhë në Zvicër.