Kosova
Si e shohin zviceranët jetën në Kosovë: Në mes të sharmit dhe çmimeve të larta
Gazetarët zviceranë kanë komentuar për koston e shtrenjtë të jetës, të kombinuar me sharmin që ka, së paku për turistët, përditshmëria kosovare
Mediat zvicerane TeleZüri dhe ZüriToday kanë përmbyllur serialin e emisioneve mbi pushimet e shqiptarëve nga Zvicra, në vendlindjen e tyre, në Kosovë. Në seritë e fundit gazetarët zviceranë kanë marrë pamje mjaft interesante nga jeta në Kosovë, transmeton Albinfo.ch. Ata kanë komentuar për koston e shtrenjtë të jetës, të kombinuar me sharmin që ka, së paku për turistët, përditshmëria kosovare.
Sipas anketave të ndryshme, paga mesatare në Kosovë është ndërmjet 350 dhe 450 euro në muaj.
Pagat e ulëta – ushqimi i shtrenjtë
Një vështrim në raftet e një dyqani tregon se sa kushtojnë gjësendet e jetës së përditshme dhe artikujt ushqimorë në Kosovë:
- 1 kilogram bukë: 0.60 euro
- 1 litër qumësht: ndërmjet 1.10 dhe 1.40 euro
- 1 litër vaj luledielli: 1.50 euro
- 1 kilogram patate: 0.79 euro
- ½ kilogramë shpageta: 0.79 euro
- 16 rrotulla letre higjienike: 2.59 euro
- Pastë dhëmbësh: nga 1 deri në 1.50 euro
Mulliri në Radavc që bluan sipas metodës qindravjeçare
Më tutje, ekipi ka vizituar një mulli të vjetër që ende bluan misër sipas mënyrës tradicionale, me ujë.
Në Radavc afër Pejës ekziston një mulli me histori të gjatë. Mielli i misrit është prodhuar këtu për mbi 200 vjet dhe ende shitet. Një fshatar thotë se mulliri, në kohë të mëhershme ka qenë “burimi i jetës” për vendin, përcjell albinfo.ch. Video tregon gruan që e udhëheq këtë mulli, gjatë punës së saj që nuk ka ndryshuar prej më shumë se 200 vitesh.
“Tonelata me mish dhe pak sallatë”
Një episod tjetër i serialit bën fjalë për kuzhinën e Kosovës, ushqimet e preferuara atje. Darka në Kosovë: “Tonelata me mish, pak sallatë dhe kaq”. Kështu thotë Marina Bërdyna, zvicerania e martuar me një shqiptar të rrethinave të Pejës.
“Në pushimet verore në Kosovë, ata që vijnë nga Zvicra përpos që kënaqen me vendin dhe njerëzit, shijojnë me të madhe edhe me kuzhinën vendase. Marina Bërdyna shpjegon se çfarë ka në tryezë dhe çfarë vlerëson veçanërisht në kuzhinën ballkanike, transmeton albinfo.ch. Ajo tregon edhe mënyrën e përgatitjes së flisë, specialitetit burimor shqiptar.
Prishtinë apo Dubai?
Gjatë udhëtimit nga hoteli ynë në Prishtinë për në lokacionet e xhirimeve jashtë qytetit, ne në mënyrë të përsëritur kalojmë me makinë pranë kantiereve të panumërta të ndërtimit.
Në kryeqytetin e Kosovës po bëhen shumë ndërtime. Prishtina, me afro 150 mijë banorë (kështu e vlerësojnë ata, v.j.), po rritet dhe po rritet, po ashtu edhe drejt lartësie.
Mirëmëngjes – kafeja e parë
Kjo thënie vlen edhe këtu në Prishtinë. Gjatë turit të mëngjesit herët në kryeqytetin e Kosovës, është një gjë të bie në sy: kafenetë e rrugëve tashmë janë mjaft mirë të mbushura me njerëz që janë ulur së bashku për të pirë kafenë e mëngjesit, përcjell albinfo.ch. Dhe po, “Makiato” këtu është e mirë.
(Fotot: TeleZüri dhe ZüriToday).
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?