Shpend Ahmeti, tani akuzohet për shëtitje nëpër Evropë

Derisa javë më parë u akuzua se qëndroi në jahtin e Devollëve në Budva, Shpend Ahmeti tani po akuzohet se ka qëndruar me familje në Fraiburg në një park, ku sipas medieve, vetëm hyrja është 50 euro

Kryetari i Prishtinës, Shpend Ahmeti është vënë sërish në thumb të kritikave, pas një vizite që i bëri Gjermanisë, vikendin e kaluar. Derisa javë më parë ai u akuzua se qëndroi në jahtin e familjes Devolli në Budva, ai tashmë po akuzohet se ka qëndruar me familje në Fraiburg në një park, ku sipas mediave, vetëm hyrja është 50 euro.

Në mediat thuhet se mërgimtarët e kanë kapur ”mat” Ahmetin derisa po bënte sefa në Gjermani.

Ahmeti në këto foto që i ka publikuar gazetari Xhevat Rexhaj shihet se në kokë mban një kapelë të bejsbollit, citon Blic.

“Masi i ka krye punët në Jahtë të Budves, Shpeni Ahmeti po knaqet në Gjermani, po i lakmoi boll. Në Freiburg ( europa park) ku biletat hyrëse janë mbi 50 Euro, po normal ka pare nga Jahta …. nga paparacët e mi, info ! E sa mijera mergimtare shqiptare jetojne ne Gjermani e kurrnjiherë si kanë dërgue fëmijet e tyne në atë vend argetues, ngase derdhshin para për Kosovën, e tash !!!“, ka shkruar gazetari Rexhaj në profilin e tij në Facebook.

Kurse, mërgimtari tjetër, Jeton Berisha, që po ashtu ka bërë publike një foto të Ahmetit në Gjermani ka treguar se si i pari Prishtinës po argëtohet në Europa Park. “Qe njeri prej tyre duke u argëtuar në Europa Park në Freiburg të Gjermanie”, ka thënë ai, sipas të cilit, hyrja në këtë park është nga 50 deri në 70 euro.

Ahmeti ka kohë që është vënë në thumb të kritikave, kryesisht nga kundërshtarët e tij. Ai fillimisht u akuzua se qëndroi në jahtin e familjes Devolli në Budva, duke e lidhur atë me bizneset e kësaj familje, që është më e forta në Kosovë.