Shaqiri me Stoke Cityn u kthehen fitoreve

Skuadra e yllit shqiptar mposhti 3:1 West Bromwich Albionin në xhiron e 19-të në ligën kryesore angleze

Pas tri humbjeve rresht, Xherdan Shaqiri dhe Stoke City u janë kthyer fitoreve në Premier Ligë.

Skuadra e yllit shqiptar mposhti 3:1 West Bromwich Albionin në xhiron e 19-të në ligën kryesore angleze.

Joe Allen dhe Maxim Choupo-Moting shënuan në pjesën e parë për skuadrën e Stoke Cityt. Në pjesën e dytë Jose Rondon shënoi golin e vetëm për mysafirët, teksa në minutat shtesë për 3:1 shënoi Sobhi, i cili e zëvendësoi Shaqirin në minutën e 79-të.

Stoke City pas 19 ndeshjeve ka po aq pikë. Kjo skuadër është e 14-a në tabelë.