Kosova

Serbia aprovon pakon e rimëkëmbjes, përfshin edhe serbët e Kosovës

Në pakon e re ekonomike të Serbisë, do të përfitojnë edhe qytetarët serbë në Kosovë.

Kështu ka thënë Presidenti i Serbisë, Aleksandër Vuçiç, përmes një video-mesazhi të publikuar në rrjetet sociale, në të cilën ai ka deklaruar se kush do të marrë ndihmë financiare.

“Më 12 maj, ne do të fillojmë të paguajmë 30 euro për të gjithë qytetarët e regjistruar, dhe më 20 maj do të fillojmë të paguajmë nga 100 euro për të gjithë qytetarët e nacionalitetit serbë në Kosovë, të cilët janë paraqitur dhe kuptohet, nga 200 euro për të papunët në Kosovë, ka thënë Vuçiçi, raporton “B92’.

Sipas tij, e gjithë kjo është rezultat i punës së qytetarëve dhe shtetit të Serbisë.

“Në maj do të jeni në gjendje të shihni rezultatet e punës suaj në mënyrën më të mirë të mundshme, por edhe rezultatet e shtetit serb”, është shprehur ai.