Lajme

Samiti virtual mes BE-së dhe Ballkanit Perëndimor, mbahet nesër më 6 maj

Samiti mes Bashkimit Evropian dhe vendeve të Ballkanit Perëndimor ishte planifikuar të mbahej në Zabreb të Kroacisë.  Por, për shkak të pandemisë së koronavirusit ai do të organizohet përmes një takimi virtual me video-konferencë.

Cilat janë objektivat e samitit?

BE është partneri më i rëndësishëm i rajonit të Ballkanit Perëndimor dhe video-konferenca do të nënvizojë rëndësinë e marrëdhënieve unike BE-Ballkan Perëndimor.

Në luftën kundër Covid-19, Bashkimi Europian dhe Ballkani Perëndimor janë të bashkuar. Samiti do të sigurojë një mundësi për të nxjerrë në pah solidaritetin dhe bashkëpunimin e ndërsjellë në këto kohë krize. Partnerët në rajon kanë kontribuar për të ndihmuar shtetet anëtare të BE-së, ndërsa Bashkimi Europian ka mobilizuar mbi 3.3 miliardë euro për të ndihmuar Ballkanin Perëndimor të merret me krizën e koronavirusit.

 Kush do të marrë pjesë në samit?

Samiti BE-Ballkan Perëndimor do të bashkojë:

-krerët e shteteve ose qeveritë nga vendet anëtare të BE-së

-udhëheqës nga gjashtë partnerët e Ballkanit Perëndimor: Shqipëria, Bosnja dhe Hercegovina, Serbia, Mali i Zi, Republika e Maqedonisë së Veriut dhe Kosova.

-Presidenti i Këshillit Europian, Charles Michel, do të kryesojë takimin. Ai do të përfaqësojë BE-së së bashku me presidenten e Komisionit Europian, Ursula von der Leyen, përcjell Albinfo.ch.


LAJME INTERESANTE NGA INTERNETI