Rishfaqet Ziadin Sela: më 27 prill iu bë atentat të drejtave të shqiptarëve

Ziadin Sela, sulmin e 27 prillit, nuk e cilësoi si atentat individual ndaj tij, por si atentat politik ndaj nevojave të shqiptarëve dhe artikulimit të nevojave që partia e tij ka paraqitur gjatë gjithë kohës

Për herë të parë prej që është rrahur brutalisht në Kuvendin e Maqedonisë, lideri i Lëvizjes për Reforma në PDSH-së, Zijadin Sela ka mbajtur një konferencë për media, i cili sulmin e 27 prillit nuk e cilësoi si atentat individual ndaj tij, por si atentat politik ndaj nevojave të shqiptarëve dhe artikulimit të nevojave që partia e tij ka paraqitur gjatë gjithë kohës.

Në pyetjen se a do të jetë pjesë e qeverisë së re, Sela tha se ai do të jetë pjesë e ndryshimeve dhe se nuk ka rëndësi se a do të marr poste ministrore ose jo. Ai u shpreh se si pjesë e ndryshimeve do të jetë edhe ndryshimi I ligjit për përdorimin e gjuhës.

Edhe pse Sela tha se do ta votojë qeverisjen e re, ai tha se brenda 100 ditëve do ta shqyrtojë atë votë.

“Para se të kërkoj përgjegjësi politike për 27 prillin, së pari do të kërkoj përgjegjësi politike për rastet tjera të montuara politike siç janë “Sopoti”, “Monstra” e vrasja e Harun Aliut” tha Sela, sipas të cilit, më 27 prill edhe pse u vranë e u lënduan, ata sërish u ringjallen dhe do të vazhdojnë t’i artikulojnë nevojat e shqiptarëve

Ndryshe Sela sot pritet që të takoj Zoran Zaevin në hapësirat e selisë së Lëvizjes për Reforma të PDSH-së në Tetovë.