PS kërkon nga shteti: 250 franga për çdo të rritur dhe 150 për çdo fëmijë

Sipas PS-së 80 për qind e popullsisë do të përfitonte nga kjo – kostoja do të ishte 2 miliardë franga. PS do të prezantojë planin në parlament në ditët në vijim.

Meqë çmimet në Zvicër janë rritur këtë vit më shumë se prej 14 vitesh, shteti duhet të ndihmojë tani financiarisht popullin me të ashtuquajturën “chèque fédéral” (ndihma kombëtare e inflacionit), propozon PS.

Anëtari i udhëheqjes së partisë Partisë Socialdemokrate (SP) Samuel Bendahan ka thënë në televizionin RTS në Zvicrën perëndimore se Zvicra ekzistojnë mjetet për një ndihmë të tillë, transmeton albinfo.ch. Sepse nuk është e drejtë që njerëzit me të ardhura më të ulëta dhe shtresa e mesme të detyrohen të paguajnë gjithmonë, sipas Bendahan.

Ideja e partisë është që të gjitha familjet e klasës së mesme dhe ato me të ardhura të ulëta duhet të marrin, për shembull, 250 CHF për të rritur dhe 125 CHF për fëmijë.

Sipas partisë në fjalë, 80 për qind e popullsisë do të përfitonte nga kjo – kostoja do të ishte 2 miliardë franga. PS kërkon të prezantojë planin në parlament në ditët në vijim.

FDP për lehtësimin e shpenzimeve

Kjo temë tashmë po diskutohet në Pallatin Federal. FDP, për shembull, thotë se në vend që të shpërndahen më shumë para, do të ishte më mirë të merren më pak para nga njerëzit (më pak taksa), transmeton albinfo.ch. Për shembull, deputeti kombëtar i FDP, Olivier Feller, argumenton se duhet të përpiqemi për lehtësim në shpenzime për të ndihmuar bizneset e vogla dhe të mesme.

---