Prapë gaz lotsjellës në Kuvendin e Kosovës

Në seancën e sotme janë parë tre deputetë të opozitës, Ismail Kurteshi, Faton Topalli dhe Fisnik Ismaili që janë ndalur nga Gjykata me masën e arrestit shtëpiak prej 30 ditësh

Për të gjashtën herë me radhë, deputetët e partive opozitare kanë hedhur gaz lotsjellës brenda sallës së Kuvendit të Kosovës, duke detyruar kryeparlamentarin Kadri Veseli ta ndërpresë seancën. Kësaj here gazin lotsjellës e ka ndezur shefi i Grupit Parlamentar të Lëvizjes Vetëvendosje, Glauk Konjufca.

Kryetari i Kuvendit të Kosovës, Kadri Veseli edhe një herë u bëri me dije opozitës se me gjeste të tilla po e përjashtojnë veten. Ai menjëherë kërkoi pauzë dhe ftoi Kryesinë e Kuvendit të Kosovës në një mbledhje të jashtëzakonshme, për të diskutuar hapat e mëtejshëm. Kryesia pritet që ta suspendojë edhe kësaj here opozitën nga salla e punimeve të Kuvendit.

Gazi u ndez hodh pa u nisur mirë seanca plenare, që në rend të ditës ishte miratimi i Projektbuxhetit të Kosovës për vitin 2016 dhe disa projektligje të tjera. “Po sot e kam hedhur unë gazin. Dikush e ka hedhur para meje e dikush do ta edh edhe pas mjete. E gjithë kjo bëhet kundër marrëveshjeve”, deklaroi Konjufca.

Hedhja e gazit lotsjellës po përdorët si mjet për kundërshtimin e dy marrëveshje të fundit që ka nënshkruar kryeministri Isa Mustafa dhe zëvendësi i tij, Hashim Thaçi, me Serbinë për Asociacionin e Komunave me shumicë serbe dhe me Malin e Zi për përcaktimin e vijës kufitare. Sipas opozitës, këto dy marrëveshje po e cenojnë integritetin politik dhe territorial të vendit.

Ndryshe, në seancën e sotme plenare janë parë tre deputetë të opozitës, Ismail Kurteshi, Faton Topalli dhe Fisnik Ismaili që janë ndalur nga Gjykata me masën e arrestit shtëpiak prej 30 ditësh. I pari, Kurteshi u arrestua menjëherë nga policia dhe u dërgua në Gjykatë, ndërsa dy të tjerët u futën në Kuvend.

Megjithatë deputeti që ka nënshtetësi zvicerane, Topalli u deklarua para mediave se është i gatshëm që të shkoj edhe në burg. “I kam marrë të gjitha mjetet e nevojshme që me duhen në burg dhe jam i gatshëm edhe për këtë”, deklaroi Topalli duke deklaruar kundër marrëveshjeve.