Policia ua ndërpret azilkërkuesve grevën e urisë

Paraditen e të dielës policia ka ndërhyrë dhe i ka marrë grevistët duke ua ndërprerë grevën dhe duke i dërguar në spitale

Nga dita e martë deri më sot një grup prej 50 azilkërkuesish kanë mbajtur grevë urie në një kamp zili në Munih të Gjermanisë. Ata po protestonin kështu kundër kushteve të vështira të jetës në kamp dhe po kërkonin që menjëherë t`u njihej e drejta e azilit.

Rreth pesë ditë pa marrë ushqim dhe pa pirë ujë, shëndeti i grevistëve po rrezikohej. Ata kishin zhvilluar një sërë bisedimesh me funksionarë të ndryshëm gjermanë lidhur me ndërprerjen e grevës por nuk kishin arritur ujdi

Ndërkaq, paraditen e të dielës policia ka ndërhyrë dhe i ka marrë grevistët duke ua ndërprerë grevën duke ii dërguar në spitale të ndryshme. Sipas mjekëve, grevistët gjenden në rrezik akut për jetën.

Azilkërkuesit grevistë vinin nga vende të ndryshme të Azisë dhe Afrikës