Një shqiptare pushton majat e Himalajeve

Uta Ibrahimi ka përfunduar ekspeditën dimërore 4 javore në Himalaje, konkretisht në “Everest” e cila është e njohur për mundësi të ndryshme alpine përgjatë gjithë vitit. Everest është i lartë 8848 metra

Uta Ibrahimi është alpinistja e parë shqiptare që është ngjitur në malin më të lartë në botë “Everest”, që ka lartësinë prej 8848 metra. Ajo tashmë ka përfunduar ekspeditën dimërore 4 javore në Himalaje, konkretisht në qendër-veri të Nepalit, në Luginën Ralwaling e cila është e njohur për mundësi të ndryshme alpine përgjatë gjithë vitit.

Ecja ka filluar në fshatin Jagat, 1200 metra lartësi mbidetare dhe duke vazhduar për 7 ditë ecje nëpër fshatrat e thella të kësaj zone, deri në fshatin e fundit NA me lartësi mbidetare 4200 metra, citon Express.

Lugina Ralwaling njihet si ndër zonat ku është zhvilluar Budizmi gjatë shekullit të 17 dhe në atë kohë ka qenë si zonë sekrete dhe vetëm në 30 vitet e fundit është e vizituar nga alpinistë nga gjithë bota.

Everest është mali më i lartë i vargmaleve të Himalajeve, dhe maja e tij arrin lartësinë në 8.848 metra. 8.850 metrat janë në dy të tretat e lartësisë së troposferës. Në këtë lartësi ajri është i rrallë dhe mungesa e oksigjenit, erërat e forta dhe temperaturat shumë të ulëta e bëjnë të pamundur lulëzimin e bimëve dhe barit në faqet më të larta.