Opinione
Ndryshimi në Kosovë, “Revolucion kadifeje” për tërë Ballkanin
Dr. Bashkim Iseni: Ndryshimet në Kosovë do të kenë impakt afatgjatë jo vetëm për Kosovën, por edhe për tërë Ballkanin në rrafshin e udhëheqjes politike
I ftuar në emisionin politik „Forum“ të së shtunës në Radio Televizionit e Zvicrës romande, themeluesi i platformës Albinfo.ch, Bashkim Iseni, njëherësh ligjërues në Universitetin e Friburgut, shtjelloi arsyet e nevojës për ndryshim në Kosovë si dhe impaktin e pritur të këtij revolucioni.
Albin Kurti dhe Vjosa Osmani janë kompetentë, kurajozë dhe pa të kaluar politike problematike. Ata mund t’ia kthejnë shpresën rinisë kosovare duke ua mundësuar atyre një perspektivë në një shtet modern. Për analistin Iseni, pritet se ata do ta vejnë në binar shtetndërtimin dhe europianizimin politik, social e ekonomik të Kosovës, dhe jo thjesht ky vend të figurojë në hartën e Evropës, por duke mos qenë pjesë e dinamikave të saj.
Në pyetjen përse diaspora kosovare ka qenë aq e trazuar në këtë proces votimi, B. Iseni e shpjegoi me faktin se historikisht diaspora ka qenë e mobilizuar dhe e politizuar, sepse ka investuar në Kosovë për kohë të gjatë dhe se është e lidhur me të, sidomos gjeneratat e reja. Pritjet e saja janë të mëdha dhe ajo mund të jetë faktor për ta ndihmuar ndryshimin rrënjësor atje.
Bashkim Iseni kritikoi korrupsionin endemik dhe paaftësinë e qeverive të deritanishme për zhvillimin dhe modernizimin e vendit, mirëpo ai edhe kishte relativizuar përgjegjësinë ndaj liderëve politikë të deritanishëm për vetë faktin se Kosova ka qenë e përballuar me luftë, ka trashëguar infrastruktura të vjetëruara dhe jofunksionale, dhe se një kohë të gjatë ka qenë monitoruar nga bashkësia ndërkombëtare pa agjendë të qartë politike ndaj Kosovës.
Sa i përket impaktit për Zvicrës, ai e potencoi rëndësinë e Kosovës, si thuaja kantoni i 27-të i Zvicrës, ngase këto dy vende janë të gërshetuara me lidhje njerëzore, ekonomike e politike. Kosova ngërthen çështje me rëndësi për Zvicrën, sikurse ekonomike, migruese dhe të sigurisë.
Së fundi, për Dr. Isenin, ndryshimi i Kosovës, apo siç e quajti ai „Revolucioni i kadifenjtë“ në Kosovë do të ketë ndikim në tërë rajonin dhe apeloi tek autoritetet zvicerane që ta mbështesin atë.
Për më shumë: https://www.rts.ch/play/radio/redirect/detail/11953237
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani