Mavraj, i mrekullueshëm para syve të De Biasit

Mërgim Mavraj ka zhvilluar edhe një ndeshje të madhe, derisa atë nga afër ishte duke e përcjellur, përzgjedhësi i Shqipërisë, Gianni De Biasi

Mbrojtësi i Kombëtares shqiptare, Mërgim Mavraj ka shijuar fitoren e parë në fanellën e Hamburgut, duke mundur Bayer Leverkusenin 1:0, shkruan albinfo.ch.

Mavraj edhe në këtë ndeshje ishte titullar dhe bëri një ndeshje të madhe, derisa prezent ishte edhe trajneri i Kombëtares shqiptare, Gianni De Biasi.

Pavarësisht polemikave të fundit, ishte vetë përzgjedhësi De Biasi, i cili ka përgënjeshtruar gjithçka. “Përkundër çdo lloj dyshimi, do të thosha që mes trajnerit të kombëtares dhe Mavrajt nuk ka asnjë lloj problemi, zero. Përkundrazi! Mërgimi është shumë i përfshirë me kombëtaren dhe dëshiron të jetë pjesë intensive e saj”, ka thënë De Biasi.

Trajneri i Kombëtares shqiptare po i vëzhgon lojtarët ku luajnë në ligat evropiane. Ai ishte në Itali, Gjermani dhe Zvicër.