Makina aksidentohet dhe fundoset në liqenin e Lucernit, thellësia 180 metra

Të dielën pasdite, një makinë ka rënë në liqenin e Lucernit në Axenstrasse në Brunnen (SZ). Policia dhe shërbimet e shpëtimit janë në kërkim të të zhdukurve

Pasditen e sotme një makinë ka rënë në liqenin e Lucernit në Axenstrasse në Brunnen (SZ), transmeton albinfo.ch. Për pasojë, rruga Axenstrasse midis Brunnen dhe kryqëzimit Morschach është e mbyllur në të dy drejtimet.

Operacioni është ende duke u zhvilluar, thotë për Keystone-SDA Florian Grossmann, zëdhënës në policinë e kantonit Schwyz, pak para orës 15:00. Zhytësit e policisë kanë vazhduar të kërkojnë për automjetin, tha Grossmann. Është e paqartë se sa njerëz ishin në të.

Policia ka konfirmuar njoftimet nga portale të ndryshme të lajmeve online. Prandaj, shërbimi i shpëtimit ajror ishte gjithashtu në veprim. Gazeta “Bote der Urschweiz” raporton se automjeti i aksidentit ka qenë duke udhëtuar nga jugu në drejtim të tunelit Mosi.

Grossmann gjithashtu e konfirmon këtë për SRF. “Menjëherë pas zonës së pushimit të Wolfsprung, makina e pasagjerëve është përplasur me shkëmbin në anën e malit, më pas është rrotulluar mbi korsinë pasuese dhe ka depërtuar nëpër parmakët e hekurt në anën tjetër të rrugës”, përcjell albinfo.ch. Automjeti më pas ra në një faqe shkëmbi rreth 50 metra të lartë dhe u fundos në liqenin e Lucernit.

Vendi i fundosjes është i thellë rreth 180 metra dhe për këtë arsye zhytësit nuk mund të kryejnë punën e tyre, por duhen përdour mjete të tjera speciale, thonë nga policia.

“Njerëzit nuk mund të zhyten më në këtë thellësi, kështu që ne kemi nevojë për pajisjet e duhura teknike. Kjo e bën të vështirë kërkimin e personave të zhdukur të mundshëm”, tha zëdhënësi i policisë për SRF.

(Foto: Screenshot SRF)

---