Koncernet të përgjigjen për shkeljet e të drejtave

Ndërmarrjet ndërkombëtare, koncernet që kanë selinë në Zvicër dhe që kanë jashtë vendit firmat e tyre subsidiare, duhet të përgjigjen edhe për shkeljet e të drejtave të njeriut dhe për dëmtimin e ambientit, që ndodhin në firmat e përmendura jashtë vendit.

Një rrjet organizatash joqeveritare është duke e kërkuar një gjë të tillë përmes fushatës “Drejtësi pa kufi”.

Sipas gjendjes aktuale, kur një firmë subsidiare, jashtë vendit, e një ndërmarrjeje ndërkombëtare me seli në Zvicër shkel të drejtat e njeriut ose dëmton ambientin, qendra nuk bart përgjegjësi ligjore.

Për këtë arsye organizatat e përmendura po mbledhin nënshkrime për një peticion, i cili do të kërkojë nga Qeveria Federale dhe parlamenti për të ndryshuar dispozitat ligjore në këtë fushë.