Kultura
Ilira Gashi fiton zemrat e zviceranëve
Ilira Gashi është rikthyer sërish në skenë. Ajo ka publikuar këngën “Losing my mind” me reperin zviceran “Tarick One”, ndërkohë është në përgatitje edhe të tri këngëve të tjera, ku njëra në gjuhën shqipe do të transmetohet javën e ardhshme.
Ilira Gashi është këngëtare prej vitesh e njohur në Zvicër. Që në moshën 16-vjeçare ajo ka fituar zemrat e publikut zviceran. Në vitin 2011 Ilira në bashkëpunim me grupin “The Colors” më këngën “Home” konkurroi në finalen e festivalit zviceran për “Eurovision Song Contest 2011”, por për fat të keq nuk arriti të fitonte të drejtën për të përfaqësuar Zvicrën në Eurovisionin e atij viti. Pavarësisht kësaj, ajo nuk heq dorë nga muzika.
Madje viteve të fundit tashmë 20-vjeçarja shqiptare ka zhvilluar talentin e saj muzikor, duke qenë në shkollat të muzikës në Gjermani. Para disa ditësh Ilira, e cila banon në Bernë, është rikthyer sërish me një bashkëpunim tjetër me reperin nga Zvicra “Tarick One”, me të cilin ka realizuar këngën “Losing my mind” dhe ka bërë videoklipin e parë të saj. “Kënga është e kënduar në gjuhën angeleze dhe në tërësi bën fjalë për dëshpërimin shpirtëror të shoqërisë. Kënga është duke u pritur shumë mirë nga dëgjuesit dhe mediat zviceranë”, është shprehur ajo për albinfo.ch.
Por projekti në gjuhën angleze nuk është i vetmi i këngëtares Gashi, ajo brenda pak ditësh do të sjellë edhe një këngë tjetër në gjuhën shqipe. “Unë kam kënduar edhe më herët këngë shqipe, kam qenë pjesë edhe e festivaleve shqiptare. Ndërsa tash kam përgatitur edhe tri këngë të reja, ku videoklipi i njërës këngë është realizuar nga “Entermedia” dhe pritet që javën tjetër të transmetohet në televizionet shqiptare”, ka treguar ajo për gazetën “albinfo”.
Këngëtarja shqiptare, e cila jeton në Zvicër, aktualisht thotë se nuk fiton nga muzika, por në planet e saj është që të vazhdojë studimet për produksion muzikor në Berlin dhe shpreson që muzika të jetë një profesion jetësor i saj nga ku mund edhe të përfitojë materialisht.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri