Hetime për drejtuesit e “Festës së gjimnastikës”

Hetimet, bazuar në indikacionet e deritashme drejtohen ndaj drejtorit dhe ato janë nisur nga detyra zyrtare

Prokuroria e Biel/Bienne ka iniciuar hetimet për lëndim të rëndë trupor nga pakujdesia kundër drejtorit të festës së gjimnastikës, të mbajtur dy javë më parë në Biel/Bienne.

Nuk përjashtohet që procedura të zgjerohet edhe te persona të tjerë. Siç dihet, në festën e gjimnastikës, një garë tradicionale masive  që mbahet njëherë në disa vjet, nga një stuhi e fuqishme qenë lënduar 95 veta. Në fokus të hetimeve është pyetja nëse lëndimet e njerëzve kanë qenë të shmangshme ose jo, njofton prokuroria përkatëse dhe policia e kantonit të Bernës.

Hetimet, bazuar në indikacionet e deritashme drejtohen ndaj drejtorit dhe ato janë nisur nga detyra zyrtare.

Si pasojë e stuhisë që shkatërroi tendat disa dhjetëra të lënduar ishin trajtuar në spital. Prej tyre vazhdon të trajtohet vetëm edhe një person. Fjala është për një 66 vjeçar që ka pësuar lëndime të rënda dhe ndodhet tashmë jashtë rrezikut për jetën.