Hajnat e vjedhin ish-ministrin e Brendshëm

Ish-ministri i Punëve të Brendshme, Bajram Rexhepi ka qenë cak i hajnave. Dëmet që i kanë shkaktuar hajnat, siç ka raportuar vetë ish- ministri, shkojnë në 3500 euro

Hajnat thuhet se nuk kanë “mëshirë” e madje as frikë. Ditë më parë disa ia kanë thyer banesën ish-ministrit të Punëve të Brendshme, Bajram Rexhepi, në lagjen Mati në Prishtinë. Dëmet që i kanë shkaktuar hajnat, siç ka raportuar vetë ish- ministri, shkojnë në 3500 euro.

“Nuk kanë vjedh vetëm tek unë, por edhe në disa banesa tjera në këtë lagje. Problemi ishte se unë nuk e kam aktivizuar alarmin dhe se kjo ishte pak edhe neglizhencë e jona”, është shprehur Rexhepi për “Zëri”.

Në kohën kur hajnat e kishin vënë në “target” banesën e ish-ministrit Rexhepi, ai kishte qenë në Mitrovicë. Bajram Rexhepi është nga Mitrovica dhe dy herë ka qenë prefekt i kësaj komune.

Dëme materiale mund të them se janë afro 3500 euro. Janë vjedh dy televizorë, një laptop, 1 Ipad , stoli të gruar dhe vajzës”, ka deklaruar Rexhepi.

Ndryshe, disa vjet më parë, hajnat i kanë hyrë në shtëpi edhe kryeministrit të atëhershëm, Hashim Thaçi, edhe pse shtëpia e tij ishte nën kontrollin e roja të sigurisë. Hajni ishte identifikuar dhe arrestuar nga Policia, ndërsa pas një procesi gjyqësor ishte dënuar me burg