Granit Xhaka ngushëllon Sinan Bytyqin

Ditë më parë, futbollisti i talentuar shqiptar, Sinan Bytyqi njoftoi se për shkak të problemeve me zemër, detyrohet të lë futbollin, në moshën më të mirë, atë 22-vjeçare, shkruan albinfo.ch.

Pas kësaj kishte shumë reagime, duke e ngushëlluar futbollistin i cili luajti edhe për Kosovën, derisa ishte dhe do të jetë nën kontratë me Manchester City.

Granit Xhaka gjithashtu ka reaguar, duke theksuar se shëndeti është në rend të parë. “Është për të ardhur keq në moshë kaq të re të lësh futbollin pa dëshirën tënde, por shëndeti është në radhë të parë, bëhu i fortë vëlla”, ka shkruar Xhaka në një postim në “Instagram”.

Klubi i Manchester Cityt ka thënë se Bytyqi do të mbetet pjesë e këtij klubi, dhe do të merret me vëzhgimin e talenteve.