Gjendet trupi i pajetë i një fëmije në Cyrih, nuk dihet shkaku i vdekjes

Një djalë i pajetë është gjetur nga një kalimtar në lagjen 5 mëngjesin e së mërkurës. Policia e qytetit të Cyrihut është në kërkim të dëshmitarëve

Të mërkurën në mëngjes rreth orës 08:15, Qendra Operative e Policisë së qytetit të Cyrihut mori një raportim për një fëmijë të pajetë në Escher-Wyss-Platz, transmeton albinfo.ch. Sipas policisë së qytetit të Cyrihut, shërbimet e urgjencës së policisë dhe mbrojtjes dhe shpëtimit të Cyrihut kanë hasur një djalë që fatkeqësisht tashmë kishte vdekur.

Sipas të dhënave paraprake, policia e qytetit po supozon se vdekja ka ardhur si pasojë e një aksidenti trafiku. Shkaku i aksidentit dhe rrjedha e aksidentit janë të paqarta, si dhe kush tjetër ishte i përfshirë në aksident. Sipas një zëdhënësi, goditja me makinë dhe ikja nuk mund të përjashtohet, shkruan 20minuten.ch. “Ne po hetojmë në të gjitha drejtimet”. Djali, tashmë i ndjerë, kishte qenë duke ecur në këmbë.

Specialistët nga Shërbimi Teknik i Aksidenteve dhe Instituti i Mjekësisë Ligjore të Cyrihut u vendosën për të siguruar prova të plota, përcjell albinfo.ch. Zbardhjen e shkakut të vdekjes e bën Instituti i Mjekësisë Ligjore.

Itinerari midis Escher-Wyss-Platz dhe Hardturm është ndërprerë për një kohë për linjat e tramvajit 8, 13 dhe 17.

---