Bota
Gati 400 persona vdesin në Holandë nga temperaturat e larta
Gati 400 njerëz më shumë kanë vdekur në Holandë gjatë valës rekorde të të nxehtit në Evropë, në krahasim me një javë normale verore, ka thënë agjencia shtetërore holandeze e statistikave, CBS, të premten.
Në total, 2964 njerëz vdiqën në Holandë gjatë javës që nisi më 22 korrik, ka thënë CBS-ja, që është rreth 15 për qind më shumë sesa për një javë mesatare gjatë sezonit të verës, raporton Reuters.
Temperaturat rekorde pushtuan Evropën gjatë ditëve të fundit të korrikut, dhe për herë të parë që kur kanë nisur të regjistrohen temperaturat, Holanda preku 40 gradë celsius më 25 korrik.
Numri total i të vdekurve në Holandë gjatë asaj jave ishte i krahasueshëm me shkallën gjatë dy valëve të të nxehtit më 2006, që ishin më të gjatat ndonjëherë të shënuara në vend, kanë thënë hulumtuesit.
Rreth 300 nga viktimat shtesë ishin në mesin e personave të moshave 80-vjeçare e më të vjetër.
Shumica e vdekjeve ndodhën në lindje të Holandës, ku temperaturat ishin më të larta dhe vala e të nxehtit zgjati më shumë sesa në pjesët e tjera të vendit.
Holanda ka popullatë prej rreth 17 milionë banorësh.
Vala e të nxehtit ishte e dyta që goditi Evropën brenda një muaji, dhe specialistët klimatikë paralajmërojnë se valë të tilla të të nxehtit mund të bëhen më të zakonshme derisa planeti ngrohet si pasojë e emetimeve të gazrave serrë.
Të ngjashme
Të tjera nga Bota
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?