Lajme
“Kaos” në SPÖ të Austrisë: Babler, tashmë kryetar i ri i partisë
Rezultati i zgjedhjeve për kryetarin e Partisë Socialdemokrate është përmbysur. Andi Babler është shefi i ri i SPÖ-së.
Një “lëmsh” i madh ka ndodhur në Partinë Socialdemokrate (SPÖ) të Austrisë. Andreas Babler është shpallur kryetar i ri i SPÖ-së dhe jo Hans Peter Doskozil, ashtu siç u njoftua nga vet partia gjatë fundjavës. Për këtë kishte informuar edhe albinfo.at. Rezultati i parë u shpall i pasaktë gjatë ditës së sotme nga kongresi i partisë.
Ende jozyrtarisht, Andreas Babler tani është kreu i SPÖ-së. Sipas mediave austriake i gjithë “kaosi” është shkaktuar pasi që votat janë këmbyer gjatë numërimit në kongresin e partisë i cili u mbajt të shtunën në Linz. Pra, nuk ishte Hans Peter Doskozil që mori 52.7 për qind të votave, por Andreas Babler, shkruan gazeta kurier, përcjell albinfo.at
Njoftimin për parregullsi gjatë numërimit dhe ndërrim të të dhënave të rezultatit, e ka bërë të ditur kryetarja e Komisionit Zgjedhor, Michaela Grubesa, në një konferencë për media të thirrur pasditen e së hënës.
Hans Peter Doskozil tashmë e ka pranuar humbjen, ndërkohë kundër kandidati Babler kërkon një rishikim të gjithë procesit të votimit deri të rezultati përfundimtar.
Partia Socialdemokrate është partia e dytë më e madhe në Austri dhe partia kryesore opozitare. Për një parti serioze e cila ka udhëhequr për shumë vite shtetin austriak, kjo që ka ndodhur gjatë këtij kuvendi zgjedhor po cilësohet në Austri si kuvend qesharak, shkruan albinfo.at
Ndërkohë Hans Peter Doskozil aktualisht është krybashkiak i landit Burgerland, kurse Andreas Babler kryetar i komunës Traiskirchen.
Mbetet të shihet gjatë ditëve në vijim se, cili kandidat zyrtarisht do të jetë kryetar i partisë
E-Diaspora
-
Kurti takon deputetin shqiptar të Parlamentit të Zvicrës Mësohet se kryeministri i Republikës së Kosovës, Albin Kurti, ka pritur në takim deputetin e Këshillit...
-
Kori i Filharmonisë së Kosovës do të përformojë me një program të mrekullueshëm në Itali
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
Jeta në Austri
-
Kurti: Nuk ka propozime që pranohen e që janë në kundërshtim me Rregulloren e BQK-së Të gjitha problemet, të cilat mund t’i kenë qytetarët serbë, ne do t’i adresojmë me shpejtësi,...
-
Lukas Mandl fton shqiptarët në një tubim madhështor në Baden të Austrisë
-
Si planifikon Austria të shkurtojë kohën që duhet për të marrë një leje pune?
-
Veturat e përdorura në Austri, të mbifaturuara
-
A janë më të shtrenjta për të huajt tarifat për universitetet austriake?