Filloi sot mësimi në shkollat e Kosovës, pas grevës njëmujorëshe

Nxënësit i gëzohen rikthimit në shkollë

 

Me një muaj vonesë, sot ka filluar mësimi në të gjitha nivelet e arsimit parauniversitar. Pas grevës së përgjithshme që ka filluar më 25 gusht, sot nxënësit kthehen në bankat shkollore për të nisur vitin shkollor 2022/2023. Ministria e Arsimit ka uruar të gjithë nxënësit dhe mësuesit për vitin e ri shkollor, përcjell albinfo.ch.

“Ministria e Arsimit fton për bashkëpunim dhe mobilizim të të gjithëve pa dallim për të plotësuar humbjet e shkaktuara gjatë grevës”, thuhet në njoftim. Gjithashtu, MASHTI njofton se janë shpërndarë të gjitha tekstet në komuna e shkolla, sipas kërkesave të Drejtorive Komunale të Arsimit.

“Teksti i Gjuhës shqipe, klasa e pestë, tekst i ri i hartuar këtë vit, do të dërgohet brenda kësaj jave në shkolla”, vazhdon njoftimi. Sot do të formohet grupi punues për të rishikuar Udhëzimin Administrativ për Kalendarin e vitit shkollor dhe në bazë të tij do të bëhen edhe riplanifikimet në shkolla. Greva e përgjithshme ka filluar më 25 gusht.

Ndërprerja e grevës në arsim ka ardhur pas një votimi që u zhvilluar nga anëtarët e SBASHK-ut. Rezultatet treguan se mbi 50% e mësimdhënësve ishin për perzullim të grevës deri në janar.

 

---

LAJME INTERESANTE NGA INTERNETI