Ferizajasit inkurajohen të mësojnë gjuhën gjermane

Në një aktivitet të zhvilluar në Ferizaj, të rinjtë ferizajas kanë pasur mundësi të njihen me format e përfitimit të bursave për studime në Gjermani gjatë një aktiviteti të organizuar nga ambasada e Gjermanisë në Kosovë

Kryetari i Komunës së Ferizajt, Muharrem Svarqa, ka inkurajuar të rinjtë ferizajas që të mësojnë gjuhën gjermane, pasi i hapin rrugën e studimeve dhe integrimeve pro perëndimore, njofton albinfo.ch.

Në një aktivitet të zhvilluar në Ferizaj, të rinjtë ferizajas kanë pasur mundësi të njihen me format e përfitimit të bursave për studime në Gjermani gjatë një aktiviteti të organizuar nga ambasada e Gjermanisë në Kosovë, raportojnë mediat lokale.

“Është një aktivitet i mirëorganizuar nga ambasada e Gjermanisë në Kosovë që ka të bëjë me ditët e gjuhës gjermane me qëllim edhe të mësimit të gjuhës gjermane, por edhe të njohjes së kësaj gjuhe për qëllime studimi në Gjermani. Testet që i shoh këtu tregojnë për disa pyetje që në një mënyrë flasin për interesimin e të rinjve për mësimin e kësaj gjuhe të rëndësishme të komunikimit në Evropë edhe për çështje të lehtësimit të proceseve integruese në të cilat synon të integrohet Kosova”, ka thënë Svarqa.

Interesimi i të rinjve ka qenë i madh, derisa ky aktivitet do të zhvillohet edhe në qytete tjera të Kosovës.