Sport
Federata Botërore njeh shkollën kosovare të xhudos
Për pak kohë nisin garat e xhudos në ditën e dytë të Lojërave Olimpike. Sytë e të gjithë shqiptarëve janë të kthyer nga kampionia olimpike, Majlinda Kelmendi, që synon ta mbroj titullin në kategorinë deri 52 kilogramë.
Garën tashmë e ka përfunduar Distria Krasniqi që të shtunën hyri në histori. Ajo fitoi titullin olimpik në kategorinë deri 48 kilogramë. Medalja e artë olimpike është e arritur superiore në sport.
Ka pasur shumë shkrime e analiza për suksesin e Distrisë dhe gjithë ekipit kosovar të xhudos. Natyrisht më të thukta janë analizat e Federatës Ndërkombëtare të Xhudos.
IJF-ja tashmë njeh shkollën kosovare të xhudos. Xhudoja është praktikuar për herë të parë në Japoni, por Kosova është shndërruar në një Japoni të vogël.
“Është me rëndësi të nënvizojmë paraqitjen e Distria Krasniqit. Pesë vjet më parë Majlinda Kelmendi ka hapur dyert kur u bë kampionia e parë olimpike nga Kosova. Këtu në Tokio, Federata e vogël kosovare, sa i takon numrave, ka prodhuar kampionen e dytë olimpike. Bilanci është mbresëlënës. Ka një shkollë të xhudos në Kosovë dhe kjo nuk është hera e fundit që do të shohim garuesit e saj të mahnitshëm”, ka shkruar IJF.
Ka pasur shumë përgëzime për suksesin e jashtëzakonshëm të xhudos kosovare, përkatësisht të Krasniqit, trajnerit të saj Driton Kuka dhe Federatës që drejtohet nga Agron Kuka.
Figurat më të mëdha të sportit të xhudos kanë uruar Krasniqin e Kukën. Shkrimet për suksesin e Kosovës në Tokio 2020 kanë qenë në superlativ.
Këtu në Nippon Budokan të gjithë flasin me respekt maksimal për Kosovën dhe xhudon e saj.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl