“Eksporti” i shkollës gjermane për të parandaluar migrimin nga Kosova

Kurorëzimi i projektit ishte shkëmbimi në mes të 30 nxënësve nga Gjermania dhe 30 nga Kosova. “Nuk ka qenë lehtë që t`u sigurohet vizë të gjithë nxënësve pjesëmarrës nga Kosova”

Luftimi i shkaqeve të migrimit përmes eksportimit të arsimit gjerman në vendet me migrantë potencialë. Këtë synim ia ka vënë vetes shoqata “Education Unlimited” nga Shtutgarti. Gjatë javëve të biznesit në Böbblingen, kryetarja e shoqatës Kerstin Zielosko-Labonte dhe ish boksieri gjermanoshqiptar Luan Krasniqi kanë prezantuar projektin e shoqatës “Deutschland/Kosovo – Bildung baut Brücken” (Gjermani/Kosovë – Arsimi ngre ura).
Për herë të parë për këtë projekt kanë bashkëpunuar shkollat publike gjermane me ato kosovare. Projekti është mbështetur nga komisioneri i BE-së Günther Oettinger, ish kreministër i landit Baden-Württemberg dhe nga nënkryetari i Parlamentit Evropian Rainer Wieland, shkruan sinelfingerzeitung.de.
Gjetë periudhës prej një viti janë lidhur në rrjet interneti  shkollat si një gjimnaz në Engen (Gjermani) një shkollë e avancuar në Drenas. “Qëllimi ishte që shkollat në Kosovë të përfitojnë nga sistemi shkollor gjerman” thotë Labonte.
Ndërsa kurorëzimi i projektit ishte shkëmbimi në mes të 30 nxënësve nga Gjermania dhe 30 nga Kosova, transmeton albinfo.ch. “Nuk ka qenë lehtë që t`u sigurohet vizë të gjithë nxënësve pjesëmarrës nga Kosova”, ka thënë kryetarja.
Gjatë vizitës në gjimnazin e Engenit, 18 vjeçari Drin Podrimqaku dhe 17 vjeçja Blerta Gllareve kanë qëndruar te familjet mikpritëse gjermane. Ka vetëm një vit që ata dy e mësojnë gjermanishten. “Në programin tonë shkollor nuk mësohet gjermanishtja”, thotë Drini. Atij i ka pëlqyer shumë sistemi shkollor në Gjermani dhe është duke bërë përpjekje për të ndjekur këtu një kualifikim profesional.