“Easy Jet” nga Kosova me çmime të ulëta

Kompania “Easy Jet Airlines” nga dita e diel do të operoj në tregun kosovar (edhe për Berlin) me çmime më të lira

Kompani “Easy Jet Airlines” nga e diela, do të fillojë fluturimet nga Kosova nëpër qendrat evropiane, me çmime më të lira. Kështu njofton Ministria e Infrastrukturës (MI) në Qeverinë e Kosovës, e cila këtë kompani e konsideron të arsyeshme për zhvillimin e konkurrencës ndërmjet aviokompanive.

“Më 24 mars 2016, kompanisë “Easy Jet Airlines”, i është mundësuar hyrja në tregun e Kosovës, me ç’rast do t’i shfrytëzoj të drejtat e trafikut. Kjo kompani ka orar të fluturimit nga data 27 e këtij muaji. Hyrja e një kompanie Ajrore nga Anglia, në tregun kosovar, është e një rëndësie të posaçme. “Easy Jet Airlines”, operon me low cost dhe do të ndikoj në zhvillimin konkurrues të aviacionit civil”, thuhet në njoftimin për media lëshuar nga MI.

Por, në anën tjetër, zëdhënësja e Aeroportit Ndërkombëtar “Adem Jashari”, Valentina Gara tha për KP se “Easy Jet” si kompani ajrore operon në tregun e Kosovës që nga viti 2010.

“Gjatë kësaj periudhe “Easy Jet” dega ne Zvicër është duke operuar me 6 fluturime për Bazel dhe me 4 fluturime për Gjenevë. Ndërkaq nga ky muaj do të filloj me fluturime “Easy Jet” dega në Angli ku do të ketë 3 fluturime për Berlin. Fluturimi i pare inaugurues për këtë destinacion do të jetë ditën e diel me datë 27 Mars 2016”, tha Gara.

Sipas kësaj deklarate, Ministra e Infrastrukturës ia ka huq lajmit, pasi që kjo avio-kompani operon në Kosovës nga viti 2010. prandaj, sipas njoftimeve, “Easu Jet” operon edhe me tri fluturime të reja për Berlin.