Lajme
Çfarë do të ndryshojë në Gjermani këtë shtator?

Nga pagesat bonus për prindërit, deri te zbatimi më i ashpër i maskave të fytyrës, janë këto disa ndryshime që do të ndodhin në Gjermani.
Rritja e pagës minimale për punë të përkohshme
Pagat minimale për punë të përkohshme (Zeitarbeit) po rriten që nga e marta. Në Gjermaninë perëndimore, pagesa për orë do të rritet nga 9,96 € në 10,15 €.
Në shtetet lindore gjermane – përfshirë Berlinin – punonjësit e përkohshëm do të paguhen me 9,88 € në vend të 9,66 €. Një rritje e mëtejshme në 10.10 € do të bëhet në tetor.
Nuk ka teste falas të koronavirusit për disa udhëtarë
Duke filluar nga 15 shtatori, udhëtarët që kthehen nga vendet që nuk janë zona të rrezikuara (siç përcaktohen në mënyrë të vazhdueshme nga Instituti Robert Koch) nuk do të lejohen më të bëjnë një test falas të koronavirusit.
Më shumë inspektime për maska në trena
Nga shtatori e tutje punonjësit e ndërmarrjes gjermane të trenave ‘Deutsche Bahn’ do të kontrollojnë më nga afër nëse njerëzit mbajnë maska në trena dhe në stacione.
Deri më tani, Deutsche Bahn, në bashkëpunim me Policinë Federale të Gjermanisë, ka kontrolluar rregullisht në 60 trena.
Tani ata duan të dyfishojnë numrin e inspektimeve dhe të kontrollojnë rreth 120 trena në ditë.
Rritja e kostove të biletave të lotarisë
Po kërkoni të godisni çmimin e parë? Tani do t’ju kushtojë pak më shumë për të provuar fatin tuaj: duke filluar nga 23 shtatori, lojtarët e lotarisë do të duhet të paguajnë 1,20 € për një biletë në lotarinë kryesore gjermane “6aus49”. Deri më tani, një lojë kushtonte 1 €.
Në të njëjtën kohë, rregullat se kur paguhet një çmim i parë i lotarisë për “6aus49” gjithashtu do të ndryshojnë.
Një bonus për fëmijët dhe prindërit e tyre
Prindërit në Gjermani do të marrin pagesën e parë të Kinderbonus prej 200 € në shtator, nga gjithsej 300 €.
Ligji i ri për armët
Nga shtatori, një ligj më i rreptë për armët do të jetë në fuqi për të luftuar keqpërdorimin e armëve dhe thikave të rrezikshme.
Në të ardhmen, sipas Ministrisë së Brendshme të Gjermanisë, pronarëve të armëve do t’u duhet t’i nënshtrohen një vlerësimi të nevojave për pronësinë e tyre të armëve çdo pesë vite.
Rruga më e lehtë për t’u bërë psikoterapist
Duke filluar nga e marta, ligji mbi trajnimin e psikoterapistëve (Gesetz zur Psychotherapeuten-Ausbildung) do të reformohet.
Në të ardhmen, maturantët e shkollës së mesme (Abiturienten) do të jenë në gjendje të studiojnë psikoterapi në nivelin universitar menjëherë. Kursi i studimit përfshin një program tre-vjeçar Bachelor dhe një program dy-vjeçar Master.
Përveç kësaj, licenca e kërkuar për të marrë një ekzaminim psikoterapie shtetërore mund të kërkohet direkt pas diplomimit.
Kërkesa për maska në më shumë shkolla
Bavaria dhe Baden-Württemberg janë të fundit nga 16 shtetet e Gjermanisë që kthehen në shkollë në shtator. Dhe të dy shtetet po kërkojnë që nxënësit të mbajnë një maskë – megjithëse në Bavari kjo vlen në klasë dhe në Baden-Württemberg jashtë klasës, shkruan thelocal.de, përcjell albinfo.ch.
Të ngjashme
Të tjera nga Lajme
E-Diaspora
-
5.5 vjet burg dhe 10 vjet dëbim për kosovarin që ka shpërthyer bankomatin Gjykata e Lartë e Cyrihut ka dënuar një kosovar që ka pasur shumë dënime të mëparshme,...
-
Përmbledhje nga manifestimet për pavarësinë e Kosovës në Zvicër
-
Ambasada e Kosovës në Gjermani shënon 17-vjetorin e Pavarësisë
-
“Paco”, një tetovar që krijon artin e tij në alpet zvicerane
-
Kori “Lulëkuqet“ nga Berna dhuroi emocione në festën e Pavarësisë së Kosovës
Jeta në Austri
-
A mund të paguajnë ligjërisht restorantet austriake shtesë për pagesat me kartë? Shumë biznese austriake preferojnë pagesat me para në dorë, por a mund të paguajnë ligjërisht shtesë...
-
Rrjeti i Bizneseve Shqiptare në Austri organizon mbrëmje për 17-vjetorin e Pavarësisë së Kosovës
-
Çfarë ndikimi do të ketë sulmi terrorist i Villach në Austri?
-
Turizmi austriak po rimëkëmbet pas pandemisë
-
Austri: Dështimi i bisedimeve të koalicionit do të sjellë lehtësim për të huajt dhe punëtorët