Autori i peticionit kundër dëbimit të kosovarit fiton çmimin për guxim qytetar

Më shumë se 8000 vizitorë kanë ndjekur të dielën koncertin jubilar “Leizig. Courage zeigen” (Lajpcig. Trego kurajë). Artistë si City, Natalie Avelon, Wincent Weis dhe Kerstin Ott kanë interpretuar hitet e tyre më të mëdhenj në Marktplatz të Lajpcigut dhe, të gjithë ata kanë hequr dorë nga honorari, shkruan tag24.

Prej 20 vitesh shoqata “Leipzig.Courage zeigen” organizon koncertin me karakter bamirësie. Fillimisht si shkas ishte një marshim i radikalëve të djathtë drejt monumentit të viktimave të luftës, transmeton albinfo.ch. Shoqata kështu vihej kundër ideologjisë së djathtë dhe angazhohej për demokraci e kurajë civile.

Shoqata po ashtu jep për çdo vit çmimin “Couragiert in Leipzig”. Këtë vit çmimi i është ndarë të riut Benjamin Heinsohn. Ai, një gjimnazist në Lajpcig, në shkurt të këtij viti ka iniciuar një peticion në të cilin kërkohet angazhimi kundër dëbimit të një nxënësi, shok i tij i shkollës, në Kosovë. “Luani duhet të mbetet këtu”, ka qenë titulli i peticionit. Falë nënshkrimeve të shumta, atij i qe vazhduar qëndrimi, fillimisht edhe për një muaj.