Vërshimet në Shqipëri, një person humb jetën

Një qytetarë rreth 50 vjeç, ka gjetur vdekjen në zonën e Rradhimës. Viktima punonte si roje dhe dyshohet se rrjedha e ujit e ka marrë teksa shkonte për në punë

Një person konfirmohet i vdekur ndërsa shumë familje janë zhvendosur nga shtëpitë e tyre në Shqipërinë, pas përmbytjeve që ndodhën dje. Cikloni me reshje të mëdha shiu dhe erëra që erdhi nga deri Egje, ka shkaktuar përmbytje në disa vende të Ballkanit, ndërsa Shqipëria kanë pësuar më keq.

Sipas medieve shqiptare, Luan Qarri, rreth 50 vjeç, ka gjetur vdekjen në zonën e Rradhimës pas përmbytjeve. Viktima punonte si roje dhe dyshohet se rrjedha e ujit e ka marrë teksa shkonte për në punë.

E rëndë paraqitet gjendja edhe në qytetin e Fierit, ku lumi Gjanicë ka dalë nga shtrati duke përmbytur banesa, lokale e dyqane të ndërtuara afër tij. Në disa lagje është ndërprerë energjia elektrike.

Shtabi i Emergjencës në Fier është mbledhur paraditen e sotme për të diskutuar rreth situatës së shkaktuar në disa këtë prefekturë nga reshjet. Sipas Emergjencave Civile, në prefekturën e Fierit nga reshjet e shiut janë përmbytur 550 familje dhe 150 biznese.

Ndërsa 30 familje janë evakuuar dhe janë vendosur në dy konvikte, shkruan Shekulli.

Raportohet se edhe në rajonin e Vlorës, Skraparit, Orikumin janë zhvendosur disa familje, ndërsa edhe rrugët janë të pakalueshme.

Shirat e rrëmbyeshëm të rëna gjatë mbrëmjes dhe mëngjesit të sotëm kanë sjellë probleme dhe në Rrugën e Kombit. Në disa segmente të aksit Kalimash-Kukës-Morinë ka pasur rënie gurësh dhe dherash, por pa krijuar vështirësi në qarkullimin e automjeteve. Sipas specialistëve, drejtuesit e mjeteve duhet të kenë kujdes në disa prej segmenteve ku ka rënie gurësh.