Aksident i rëndë në kryeqytet

Policia ka bërë të ditur se njëra prej automjeteve ka qenë duke lëvizur me rreth 120 kilometra në orë. Veturat kanë goditur qytetarët që prisnin autobusin urban

Një shofer që po ngiste një makinë të tipit “Audi” me shpejtësi rreth 120 km në orë në vendbanim, ka shkaktuar një aksident të rëndë në vendin e quajtur “Të rrethi” në Prishtinë, duke goditur dhjetëra qytetarë në stacionin e pritjes, 11 nga të cilët janë dërguar urgjentisht në Qendrën Klinike Universitare (QKUK).

Bëhet e ditur se makina  “Audi”, është ndeshur më një veturë tjetër tip “Volkswagen”. Këmbësorët kanë qenë duke pritur autobusin urban, ndërsa nga QKUK thuhet se një grua shtatzënë rreth 30 vjeç, është në gjendje të rëndë shëndetësore. Ajo sipas, mjekëve, ka disa fraktura dhe hemorragji në kraharor.

Policia ka bërë të ditur se njëra prej automjeteve ka qenë duke lëvizur me rreth 120 kilometra në orë. Drejtuesi i këtij automjeti është larguar menjëherë nga vendi i ngjarjes, por më vonë ai i është dorëzuar policisë.