Çollaku: Vizat hiqen më 2016

Sipas Çollakut gjatë muajve të verës do të nënshkruhet edhe Marrëveshja për Stabilizim-Asociim (MSA) mes Kosovës dhe BE-së

Vitin e ardhshëm kosovarët do ta gëzojnë të drejtën e lëvizjes së lirë, pa viza, në shtetet e zonës Schengen. Kështu ka deklaruar ministri për  Integrim Evropian në Qeverinë e Kosovës, Bekim Çollaku, transmeton gazeta “Zëri”. Sipas Çollakut gjatë muajve të verës do të nënshkruhet edhe Marrëveshja për Stabilizim-Asociim (MSA) mes Kosovës dhe BE-së, nga e cila, sipas ministrit Çollakut, vendi do të ketë edhe përfitime të shumta ekonomike.

Ministri i Integrimit Evropian ka thënë më tej se MSA-ja do të ketë ndikim pozitiv edhe në rritjen e Investimeve të Huaja Direkete, pasi që, siç thotë ai, “investitorët e mëdhenj nuk e trajtojnë njëjtë një vend i cili nuk ka asnjë marrëdhënie me BE-në dhe një vend i cili është duke e zbatuar MSA-në”.

Duke folur për kthimin kosovarëve që emigruan ilegalisht në vendet e ndryshme të BE-së, Çollaku ka bërë të ditur se nga 1 janari 2015 deri më tani janë riatdhesuar mbi 11 mijë qytetarë.