Alban Meha i jep fund aventurës me Padebornin

Pas katër vitesh me ekipin e Padebornit, futbollisti shqiptar Alban Meha i jep fund marrëveshjes më klubin. Ai kërkohet nga klube të tjera

Specialisti i gjuajtjeve të lira, Alban Meha nuk do të qëndrojë tutje në klubin gjerman i cili nuk arriti të mbijetojë në bundesligën gjermane. Meha pritet të largohet nga Padeborni ndërsa në adresë të tij kanë ardhur oferta të shumta nga klube të tjera.

“Unë do të largohem gjatë verës nga Padeborni. Kam oferta të shumta nga klube të tjera. Në dy javët e ardhshme do të marr një vendim”, ka thënë Meha për gazetën “Bild.de”, transmeton “albinfo.ch”.

Mesfushori i përfaqësueses shqiptare gjatë kësaj kohe është duke qëndruar për pushime në vendlindjen e tij në Kosovë.