Taulant Seferi, në mbrëmjen e maturës

Futbollisti shqiptar, Taulant Seferi, i cili luan për ekipin e ligës së parë “Young Boys”, këto ditë është duke qëndruar në vendlindjen e tij në Kumanovë.

18-vjeçari pushimin në Kumanovë e ka shfrytëzuar për t’iu bashkuar shoqërisë së tij në mbrëmjen e maturës, e cila është mbajtur mbrëmë në njërin nga restorantet e këtij qyteti, raporton albinfo.ch.

Seferi duket shumë i lumtur për këtë natë, teksa ka postuar edhe fotografi të shumta në rrjetet e tij sociale.

Taulant Seferi për shkak të një operacioni në gju, prej muajsh është duke qëndruar jashtë fushës së gjelbër.

Super talenti shqiptar, karrierën e ka filluar në Milano të Kumanovës, duke vazhduar më pas në Rabotniqki, prej nga u transferua në Young Boys, skuadër kjo që gjendet në pozitën e dytë të tabelës në supërligën e futbollit në Zvicër.

---