Ekziston frika se shkurtimi i vendeve të punës në Organizatën Botërore të Shëndetësisë mund të jetë më i keq sesa mendohej fillimisht.

Organizata aktualisht është në krizë, pasi Shtetet e Bashkuara njoftuan tërheqjen e saj, transmeton albinfo.ch.

Administrata Trump nuk po paguan paratë që tashmë i detyrohet, dhe shumë vende të tjera kanë shkurtuar kontributet e tyre në OBSH.

Vlerësimet fillestare ishin se deri në 25% të stafit mund të shkurtohej, por tani ka sugjerime që kjo normë mund të arrijë deri në 35%.

Një punonjës i paidentifikuar i tha Tribune de Genève se ata prisnin që situata të ishte e vështirë, por jo kaq e rëndë.

OBSH punëson 2,400 njerëz – këto shkurtime do të thotë se më shumë se 800 prej tyre mund të humbasin vendet e punës.