Në Kosovë importohen më shumë vetura të vjetra

Në Kosovë më shumë frekuentojnë vetura të përdorura, se sa ato të reja. Kështu bëjnë të ditur zyrtarë nga Dogana e Kosovës.

Adriatik Stavileci, zëdhënës i Doganave të Kosovës, tregon se vitin e kaluar nga vende të ndryshme të Evropës janë importuar 17,747 vetura, nga to 16,675 kanë qenë vetura të përdorura, kurse vetëm 1,072 vetura të reja.

Vlera e përgjithshme e importit të të gjitha veturave ka arritur në 93 milionë euro. Prej tyre,36.3 milionë euro janë nga veturat e vjetrat, kurse 4.1 milionë euro janë për vetura të reja, ndërkaq taksa janë paguar 40 milionë euro.

Sic raporton Radio Evropa e Lirë edhe përfaqësues të auto-salloneve të veturave vlerësojnë se në Kosovë shiten vetëmshtatë për qind e veturave të papërdorura.

Të gjitha veturat në Kosovë importohen nga shtete të ndryshme të Evropës dhe botës, kurse çmimi varet nga marka dhe viti i prodhimit të veturës.

Sidoqoftë, të dhënat zyrtare tregojnë se në Kosovë janë të regjistruara afër 290 mijë mjete motorike dhe jo motorike

Deri më tani importi i veturave më të vjetra se 13 vjet, ka qenë i ndaluar, por me një pako të re fiskale të miratuar ditë më parë nga Qeveria e Kosovës, janë hequr kufizimet për importin e veturave, pavarësisht vjetërsisë. Njëherësh, është ulur edhe akciza për import të veturave.