Kosova

Kosovë: Arrestohet një shtetas i Serbisë, dyshohet për përgatitje të vrasjes

E premte, 6 Dhjetor 2024 - 10:50 albinfo.ch

Një shtetas i Serbisë është arrestuar dje, më 05.12.2024, në Fushë-Kosovë, nën dyshimin se ka kryer tri vepra të ndryshme penale.

Sipas raportit ditor të Policisë së Kosovës, i arrestuari dyshohet për: “Përgatitje të veprës penale ‘vrasje’”, “Prezantim të rremë si person zyrtar” dhe “Mashtrim”.

Policia tha se veprat penale dyshohet se kanë filluar që nga data 03.04.2024.

Policia njoftoi se lidhur me rastin gjatë kontrollit në banesën e tij, si prova materiale janë sekuestruar dokumente të ndryshme.

Tutje, në njoftim thuhet se pas intervistimit, i dyshuari me vendim të prokurorit është dërguar në mbajtje.

 Të tjera nga Kosova

Von der Leyen anashkalon Serbinë dhe Bosnjën në turneun ballkanik, do ta vizitojë Kosovën

 E-Diaspora

 Jeta në Austri