Euro forcohet kundrejt frangut, por jo edhe ndaj valutave të tjera

Kursi i këmbimit të euros kundrejt frangut zviceran në berzat botërore ishte ngritur në nivelin më të lartë në pesë javët e fundit.

Forcimi i euros ka ndikuar pasi ministrat e financave të eurozonës kanë arritur marrëveshje për financimin e mëtejshëm të Greqisë.

Kursi i këmbimit është forcuar me 0,7 për qind, në 1,07595 franga, që është afër nivelit më të lartë në pesë javët e fundit, në 1,08115 franga.

Edhe pse të premten e kaluar ishin marrë vesh për një kredi paketë zgjerimi për Greqinë, pasiguria mbetet e lartë. Për këtë shkak euro mbeti nën presion kundrejt dollarit dhe monedhave të tjera.

Euro përball monedhës amerikane është dobësuar për 0,3 dollarë.

Humbja e frangut zviceran, ku investitorët shpesh gjejnë strehë të sigurt për kapitalin e tyre në kohë të vështira ekonomike, në berzat botërore ishte e lartë dhe me monedhën amerikane. Dollari forcohet 0,9 për qind, në 0,94765 franga.