Sot fillon “Eurovision 2024”, ja si mund të votojnë shqiptarët

Besa Kokëdhima e cila përfaqëson Shqipërinë me këngën “Titan” do të performojë natën e dytë dhe do të jetë e gjashta në radhë

Mbrëmjen e sotme fillon “Eurovision 2024” i cili këtë viti do të mbahet në Malmo të Suedisë, me dy gjysmëfinale më 7 dhe 9 maj, ndërsa finalja e madhe mbahet më 11 maj.

Besa Kokëdhima e cila përfaqëson Shqipërinë me këngën “Titan” do të performojë natën e dytë dhe do të jetë e gjashta në radhë.

Përsa i përket votimit, nga gjysmëfinalja, dhjetë finalistët vlerësohen nga vota e publikut. Votohen në dy forma: Shqiptarët që ndodhen në shtetet që janë në garë në natën e dytë gjysmëfinale mund të votojnë me kodin 02 në numrat e telefonit vendosur në dispozicion nga shteti ku ata jetojnë, nga vendet pjesëmarrëse, shkruajnë mediat shqiptare, përcjell albinfo.ch.

Ndërsa, të gjithë shqiptarët që ndodhen kudo nëpër botë, tani është votimi rest of the world (pjesa tjetër e botës) ku mund të votohet online 24 orë përpara se të çelet votimi i online në esc.vote ku mund të votohet për Shqipërinë deri në 20 herë nga çdo vend i botës.

Organizatorët zyrtarë të eventit kanë realizuar edhe një sondazh, për renditjen e të gjithë pjesëmarrësve të këtij edicioni.

Sondazhi është realizuar me votat e fansave dhe votat e gazetarëve, si dhe rezultati është nxjerrë përmes kombinimit të votave.

Kështu, Shqipëria, e përfaqësuar nga Besa Kokëdhima me këngën “Titan” renditet në vend të 10-të.

---