Escobar përshëndet marrëveshjen, ofron përkrahjen e SHBA-së

Gabriel Escobar, emisari amerikan për Ballkanin Perëndimor, e ka cilësuar “të vështirë, por të nevojshme” marrëveshjen që Kosova dhe Serbia arritën të shtunën në Ohër të Maqedonisë së Veriut në rrugën drejt normalizimit të raporteve, përcjell albinfo.ch.

Pas takimit, në një konferencë për media Escobar ka përgëzuar palët, ndërsa ka shtuar se “SHBA-ja do të bëjë gjithçka që mundet që ta mbështesë politikisht e ekonomikisht që të arrihet paqja në rajon”.

Sipas tij, marrëveshja i hap rrugë integrimit euroatlantik për të dyja shtetet dhe rajonit epokë të re paqeje.