Kosova

Reagim i Ministrisë së Punëve të Jashtme të Kosovës pas bllokimit të Merdarit

Ministria ka dhënë informacion për pikat e tjera nga mund të kalojnë

E martë, 27 Dhjetor 2022 - 23:37 albinfo.ch

Ministria e Punëve të Jashtme e Kosovës u ka bërë thirrje të gjithëve që janë duke udhëtuar drejt Kosovës përmes Serbisë, që t’i ikin pikës kufitare në Merdar dhe të shfrytëzojnë rrugë të tjera.

MPJ-ja përmes një deklarate ka thënë se “grupet kriminale serbe kanë bllokuar pikën kufitare në Merdar”.

“Njoftohen të gjithë bashkatdhetarët dhe qytetarët që janë në lëvizje të shfrytëzojnë pika të tjera kufitare për qarkullim deri në një informim tjetër zyrtar nga ana e institucioneve të Republikës së Kosovës”, shkruan albinfo.ch.

Ministria ka dhënë informacion për pikat e tjera nga mund të kalojnë.

“Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit. Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve më të fundit zyrtare në këtë drejtim”.

 Të tjera nga Kosova

Mbi 85% e votuesve me postë në diasporë kanë marrë fletëvotimet

 E-Diaspora

 Jeta në Austri