Lajme
Ka detyruar 16-vjeçaren të prostituohet: 10 vjet e gjysmë burgim për kosovarin
Ai duhet të paguajë dëmshpërblim në vlerë prej 1.2 milionë CHF, kompensim prej 50,000 CHF dhe dëbohet nga vendi për 10 vjet
Vajza, atëbotë 16-vjeçare, e kishte takuar personin që atëherë ishte 22 vjeç, përmes një aplikacioni chat. Në muajt në vijim, ai që konisiderohej si i dashur i saj, e detyronte të miturën të kryente prostitucion pothuajse çdo ditë, transmeton albinfo.ch. Nga vera e vitit 2016 deri në janar 2018, ai i caktonte klientët, prodhonte foto dhe video dhe mblidhte të ardhurat nga prostituimi i saj.
E gjithë kjo është vërtetuar, thotë Gjykata e Qarkut Bucheggberg-Wasseramt (Solothurn).
Adoleshentja u detyrua të kryente praktika të ndryshme seksuale dhe të bënte seks të pambrojtur, shkruan srf.ch. Ajo po ashtu duhej të plotësonte edhe nevojat e “të dashurit” të saj.
Për gjykatën del e qartë se ai kishte vepruar sipas “skemës (mashtruese) së të dashurit”. Adoleshentja ishte e pambrojtur, thanë prokurorët gjatë ditës së procesit gjyqësor. Ai e kishte bërë të renë të varur emocionalisht dhe të shfrytëzuar prej muajsh.
Ajo kishte provuar të mbrohej, të kundërshtonte, por “i dashuri” ishte përpjekur të ngjallte simpatinë e saj. Ai i kishte thënë asaj se ata kishin nevojë për para për një të ardhme të përbashkët, përcjell albinfo.ch. Vajzës i ishte dashur të punonte për të edhe pas vdekjes së papritur të nënës së saj, madje, edhe ditën e varrimit. Gjykata i konsideron fakte edhe këto pika të aktakuzës.
“Ju e keni çuar atë në prostitucion, e keni mbajtur aty dhe keni siguruar jetesë shumë të mirë, prej saj”, tha një gjykatës kur u shpall vendimi. Gjykata e ka shpallur viktimën të besueshme. Përveç dënimit me burg, Gjykata e Qarkut i ka shqiptuar atij detyrimin për dëmshpërblim në vlerë prej 1.2 milionë CHF dhe kompensim prej 50,000 CHF. Gjithashtu, shkelësi do të dëbohet nga vendi për 10 vjet.
Në seancën e së premtes, mbrojtja kishte kërkuar shpalljen e pafajësisë për kosovarin. I pandehuri kishte thënë se kërkonte një gjykim të drejtë. Kur u shpall vendimi, gjyqtari i Gjykatës së Qarkut Solothurn tha: “Ju kërkuat drejtësi, ky është një gjykim i drejtë”.
Sipas urdhrit të gjyqtarit, 28-vjeçari duhet të qëndrojë në paraburgim. Vendimi nuk është ende i plotfuqishëm. Mund të kalohet në shkallën tjetër, përcjell albinfo.ch. Kjo është pikërisht ajo që mbrojtësi synon të bëjë, tha ai për SRF. Ai ende është në pritje të arsyetimit me shkrim të aktgjykimit.
Të ngjashme
Të tjera nga Lajme
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte